حصة عربى

عادل التونى الإثنين مايو 19, 2008 1:33 am

حصة عربى
=====
صلوا على النبى
ماتوحدوووووووووووووه 00 واتوحدوا
انا كنت امه 00 ليه همة
انا الالف بين الامم
سلم سلام 00 وقع الكلام
اتبعترت منا الحروف
حتى النقط تاهت وضاعت فى الزحام
مابقيتش ( ض )
تلاقيها مرة ( س ) و ( ج )
تلاقيها مرة ( ب ) و (س )
تلاقيها مرة 1000 ( لا ) بعديها ( لا )
=====
ناديت ياناسى
ياللى ناسيين الحروف
مدوا الايادى لملموا
هاتوا الحروف 00 هاتوا الحروف
وألضم فى صادك ياصلاح
والحه ياحى على الكفاح
والخه ياخالد مد ايدك هات عمر
والسين ياسيد يابلد مدد 00 مدد
والعين ياعمرو هو امره فى ( ك ) و ( ن )
والفه يافاس يامغربه زى السكون
والجيم جزاير لجل نزرع
واللى زاير مش حيقلع مره حباية زتون
والقاف يا قاهّره
ياللى طاهره بألف مدنه
وكل مدنه بألف حرف
وكل حرف بألف خطوه حررت ارض الامل
والبه يابحرين اتملوا واتململوا
والخه ياخضره البحر حاضره ومانتى حاضره
والهه هويت وحلمى الجنوبى
لما جه راجل جنوبى
ينصره الشاطر ( حسن )
=====
اه ياحرف الره رقبتى
ُُطُلت بيها اعلى نجمه فى السما
واما حرف الجيم
( جيرانا ) اخدوا علقة
( ف ) فضيحة
( ص) صريحة
=====
بس نرجع تانى نحسبها
(أ ب ت ث ج ح خ د ذ ر ز س ش
ص ض ط ظ ع غ ف ق ك ل م
ن ه و ى )
يبقى لازم
اللى اوله فيه ( أ )
لازم تكون نهايه ( ى )
=====
عادل التونى