أغاني بيئية للأطفال

عادل التونى الجمعة يوليو 25, 2008 8:02 pm

أغاني بيئية للأطفال

أغنية المحميات:

مصر بلدنا جميلة جــدا		اجمل ما فيها المحميات
احب اشوفها احب ازورها		احب اقضي فيها ساعات

شوفوا جمال شعابها المرجانية يا جمالها		أغطس بص عليها شوية و سيبها على حالها

شوفوا جمال طيورها لما ترفرف يا جمالها		بص عليها راقبها شوية و سيبها على حالها

شوفوا جمال صخورها الربانية يا جمالها		انزل خدلك صورة معاها و سيبها على حالها

شــوفــوا جـــــــمال كـــل الـــــكائــــــنات		النــباتــــــــــات و الحــــيوانــــــــــات

مصر بلدنا جميلة جــدا		اجمل ما فيها المحميات
احب اشوفها احب ازورها		احب اقضي فيها ساعات

---------------------
أغنية عن مكافحة التدخين:

أرجوك يا بابا متدخنـــش		ارجوك تبطل و ماتزعلش
ارجوك تقدر خوفنا عليك		اصل السجاير مابترحمـش

أرجوك يا بابا ما تشربهاش		اصل الصحة دي مش ببلاش
و صحتك عندنا بالدنيـــــــا		وعنـــك انــت ما نستغنـــــاش

أرجوك يا بابا تفكر فينــا		لمـــا الدخـــان ييــجي علينـــا
إزاي يأثر على صحتــنـا		من غـير ذنــب جـنتـه ايدينــا

أرجوك يـــا بابا تبطلهـــــا		و فلـوس سجـايــرك وفــــرها
و تجيبلنا بيها حاجة جميلة		أحســن يــــا بابا مــاتخسرهــا
	--------

أغنية عن الميه:

عبر عن أجمـــل إحســـاس		و ارسم صورة لكل الناس
قول للناس دي الميه مهمة		و هي لينــا اهـم اســــاس

ارســم صورة لبحر جميــل		ارسم انســان مع درفيـــل
ارسـم شط و ناس بتـــعوم		اســماك تلعــب مع قناديل

ارسم صورة لنــهر النــيل		على ضفته اشجار و نخيــل
ارسم مركب فيها صيــــاد		فلاح ينشـــد بالمـــــواويـــل

ارسم ايد طاهرة و نقية		و هـي بتقفل فـي الحنفيــــة
و الأيد رمز الجيل القادم		اللي هيقدر يحمــي الميـــــه