رسالة غير شرعية

عادل التونى الإثنين مايو 19, 2008 1:53 am

رسالة غير شرعية
0000000000
نويت أصلى العشا
فى المرسى أبو العباس
على بابه قاعدين نسا
معريين الراس
شاف الهوا شغلته
ويادار مادخلك شر
قصدت اصلى العشا
وانا كنت متوضى
عدت الوضوء مالنسا
اه مالنسا والحر
0000000000
صليت وزرت المقام
اهو شىء لزوم الشىء
جوه المقام العجب
الشحاتين اكوام
وصريخ وقلة أدب
لما الفلوس بتمر
تدفع ريال بالزور
ياأما مش حتمر
0000000000
قاعدين فى بيت ربنا
فاتحينها على البحرى
القهوه دى مش هنا
بتضرنا وتنضر
0000000000
وادفع على جزمتى
كده برضه يامرسى
0000000000
صليت على أرضكم
وأرضكم طاهرة
ولما فرضى خلص
طلعت بمظاهره
صليت فروض ربنا
مش داخل اتعارك
ولاكنت يوم مضطر
0000000000
الارض واسعه بصراحة
واهى مرة وتعدى
الارض واسعه بقى
وكل واحد حُر
00000وعجبى00000